陶泥 : 2014第一期

不驚不覺, 有去上了10當的陶泥班了,

作品不是太多..也不是件件也是我想做, 想要的..

但人生嘛, 不是樣樣都可以選擇學什麼的嘛, 最緊要懂.

好似講遠了....heheheheee

 

這兩件是我最喜歡的, 手工是有點粗..(我知是好粗 :p)

我想有屋企慢慢可以有一套D完整..有我親手做的電碟..

咁就最perfect 喇! 唔知燒好後, 怹是什麼樣的呢...好期待ar...

雜菜泡菜鍋

 
近排又聽到收音機個節目到講, 要減碳排量,
但除了雞外, 牛就是我的主食了,
所以. 若要少食, 來支持減碳排放,
就會有一點難度, 因此.....
我同朋友仔, 決定用一週一素來支持,
這不單可享應環保, 也可以清清自己的腸胃,
真的何樂而不為呢!!

泡菜鍋, 酸酸辣辣的, 好開胃,
而且又好送飯, 簡單, 易煮, 不失為一個懶人菜..hohohoooo

材料: 

泡菜        150g
洋蔥        1/2個
翠肉瓜    1條 
娃娃菜    1棵
洗米水     700ml

 醬料: 

麵豉醬     1/2湯匙  (我用日式白麵豉醬, 無咁鹹)
韓式辣醬  2湯匙
大蔥         小小
蒜泥         湯匙
1湯匙 x 醬油

步驟:

1. 把洋蔥, 翠肉瓜, 娃娃菜切成一口可食的小塊, 備用.
2. 把泡菜也切作可以一口食的大小, 備用
3. 先起鍋, 加油後, 可把洋蔥和泡菜 (搾乾水後) 先下鍋炒香
4. 再加入瓜和 預先和麵豉醬和辣醬混合在一起的洗米水 (第二次和第三次過水的洗米水)
5. 先用大火把湯煮滾, 再用小火煮15-20分鐘,
6. 若希望娃娃菜也可以"淋"d和入味D, 可早點加入,
    但若想爽D, 則可以在最後5分鐘才放入.
7. 若希望個湯會較辣, 可加入泡菜的汁, 讓味道更酸辣.
8. 最後放入醬油, 蔥和蒜泥後, 再煮30秒, 就可以上枱的了.

菜譜參考: 小小米桶

生日飯

很耐沒有約呀B回家吃飯喇, 趁這次去了十四樓的廚房學了整海鮮飯,
我就決定趁佢今次生日, 約佢返去試下我整的第一次 - 全西餐....

我其實都幾膽粗粗架, 因為有好幾樣野都唔係平時煮開的,
只是這2個星期, 趁大陳生不用放夜, 迫佢一齊試味的. :p
如果唔係, 依一餐飯都不一定可以咁順利煮好! 

生日飯那一天, 我少有地一早開工,
因為是週日的關係, 第二天大小朋友都要返工, 真不想攪到大家夜媽媽才走嘛,
大陳生也少有地表示, 我咁乖一早開始準備....
需然不可以準時7點開飯, 但大家也可以9點左右已吃飽飽..準備回家.
也可算是一次成功的飯局. ^^
 

菜式其實很簡單, 易煮, 等我同大家分享一下吧! ^^

薯蓉青菜湯. 這是一個是朋友的分享食譜

永無失手的, 雜菜沙拉.
當然好唔好味, 那只在乎新不新鮮, 跟我的煮飯技巧是完全無關係的. hahahaaa

依個就是由熙媽到學回來的海鮮飯, 只是改了小小的煮法, 

因為有d調味料買唔到, 但個味都不錯..朋友們都覺得好似出面街食到的味道! :)

蜆, 當然要整一碟永無失手的白酒煮蜆啦, 唔係無野食時都唔知點見得人! :)

豬仔骨,  是參考了幾個blog所整成的.
我都覺得味道真的不錯, 尤其是小朋友個個都食得"lam lam 脷"

其實還有雞和長通粉的, 但我真的太忙了. 沒有影到....無得分享tim..:p

最後就是我用了最多時間去準備, 去練習的雜果蛋糕了.

味道其實我覺得不錯的, 但個cake就真係不夠鬆軟, 

好彩個個都好比面咁, 無出聲, 清左佢啫! ^^

個面的裝飾, 係大小陳生一齊幫忙報置的, 真係可以話全家總動員架! hahahahaa

檸檬雞翼

見到大家都好起勁咁跟 "GIGI 姐" 整檸檬鷄翼......

我當然都唔執輸, 即刻來實踐一下啦.

味道, 我是鐘意的, 因為酸酸甜甜, 好開胃,

而且連d檸檬都可以食埋, 一d都無浪費,

但我屋企個,話自已對食無乜要求的先生, 就話味道可以啦, 不可說好喎...

唔駛佢住, 仲諸多要求, 真係想殺左佢ar...><

 

材料: 

鷄翼            10隻

檸檬            1個, 切片

薑                跟檸檬片數要相同

調味料: 

老抽             2湯匙

生抽             2湯匙

蠔油             2湯匙

片糖             2 片 (但我覺得1.5片或再少少都可以)

步驟:

1. 燒熱鑊, 爆香薑後, 加埋鷄翼兩面都煎香, 爆脹卜卜的樣

2. 把調味料加入, 再加蓋煮幾分鐘,  (記住要試味喎..唔係太甜太酸都唔好啦)

3. 為防痴底, 再打開炒一炒, 再加蓋等幾分鐘, 

4. 見到d汁液起泡泡, 就可以上枱了.

註: 這個菜是不用加水的

檸酪

這個甜品初學時, 真的好雀躍的,
因為不用任何的特別器材, 也可以簡單的調整.
但數數手指, 也已7,8年沒有整了....
見到屋企還有半盒的fresh cream, 唔知點用好,
就想到這一個甜道清新, 材料簡單, 整作容易的甜品了.

材料: 

鮮忌廉       330g
砂糖          80g

檸檬汁      1個

魚膠片      1片

水果，如：芒果，士多啤梨  適量切粒

 (建議士多啤梨可用5g 左右糖先混合)

步驟:

1 . 把鮮忌廉跟糖混合煮滾.
2. 混合合, 一邊攪拌, 一邊把檸檬汁加入, 混合.
3. 再而把魚膠片浸軟後, 加入, 開火至溶化 . 待涼, 備用.
4. 把水果切粒, 如是較酸的莓類可先加糖混合再放入杯中.
5. 把涼了的 (3)放入置了水果的杯中.
6. 放入雪櫃, 凝固就可.

這個甜品很簡單, 所以作為親子甜品很適合.

簡單的, 可由小朋友把水果放到杯中, 及一匙匙把檸酪放到杯中也可!

整完後, 希希看到很開心, 嚷著我要幫他影相呢..

蛋卷

為了整個水果蛋糕, 所以決定有海綿蛋糕做起.

但你叫我, 只是做一個清蛋糕, 那又好似不太吸引,

我怕沒有人幫我將之 "消化" 掉....

所以我決定有蛋卷做起, 

原來是跟一本日本整餅書來做的, 最後因為技藝不夠,個"皮"已經失敗, 太硬...

陳生話似焗極都唔會熟的質地, 那唯有放棄....

跟住就找"大廚"朋友取她的拿手食譜來試整, 

但我份人就是這樣, 就是不死心..未試個十拿九穩的配方, 就又上網找,

最後被我找到Masa老師的芒果瑞士卷食譜,我決定再試一下, 失敗才先用朋友的...><

 

看圖個樣不是太吸引, 對? 因我實在卷得太雞手鴨腳了...

我會原諒自己的, 話晒都是第一次嘛..[自言自語中.....]

味道如何? 好不好吃!???

我個仔, 就說好好吃呀, 叫我下次一定要教他如何整呢...hahahahaaa

我的答案則是, 可以的. 真的好鬆軟, 但d cream. 應是打得不夠起,

所以就算雪了一晚, 也不是太硬. 有待下次再改進. 

乾免治牛飯

乾免治牛飯, 由細到大都是我在茶餐廳的首選,
難得個日見有個朋友剛學識整乾免治豬肉飯喎,
咪叫佢講個receipe 來試下, 照板煮一餐, 但改了用牛lor.:p

味道, 我覺得好過現在d加三色豆的免治牛飯lor..>_<

材料: 

免治牛肉   半碗

洋蔥          半個

薯仔           1個

椰菜          1/4個

玉桂葉       2塊

調味料: 

生抽, 老抽, 喼汁, 鹽, 糖, 胡椒粉

步驟:

1.  洋蔥, 薯仔切粒, 椰菜切絲, 備用
2.  牛肉和洋蔥粒放到鑊中炒至收水
3.  依個人喜好, 加入調味料, 備用
4.  把椰菜絲炒香, 備用
5.  用油爆或炒熟薯仔粒後, 加入(3)和(4)在預備好的白飯上

那就大功告成, 完成一碟美味的乾免牛飯lar.

檸檬蛋糕

看到blog 有人整蛋糕，仲要係味道清新的檸檬cake, 我又點忍得住去趁下熱閙，整返個比大小陳生一齊食下呢！

小陳生見我拿了一堆「架生」出來，即刻話我要吸，吸。無他既，因為他以為是整cookie 咯。我用了小小時間跟他說明了一下，以為他明白啦，點知最後倒蛋糕漿至模前, 他竟還問:"到我吸"? 真係吾知媽嬲定好笑！

整個「蛋糕製作過程」，他需只是看，聽，聞，但他也很滿足，且還可堅持到最後焗好，可見他是個為食小朋友。哈哈哈！

味道真是好好，多謝「肉桂打噴嚏」的無私分享！：）

醬蘿蔔

冬天, 夏天, 一年四季, 我家都鐘意醃蘿蔔,
吃得普通的醋醃蘿蔔多, 我決定找一下新意,
就是整"醬蘿蔔", 其實我也試過醬蒜頭, 失敗了,
所以今次準備時, 也有小小擔心, 怕浪費食材, 所以也上網先爬一下文....

嘗試過, 發覺以下的方法不錯, 陳生也說味道很"野味",
不斷要買蘿蔔回來, 所以我也不禁想跟大家來分享一下. ^^

材料:

蘿蔔        1條

醃料:

醬油        200g
米醋        200g
糖            300g
(可依實際情況, 再以2:2:3 的比例來準備也可)
蒜頭        5-6粒
小辣椒     4條
 

 步驟:

1. 先把蘿蔔去皮, 以風琴切法切成一口咬的size

2. 加2茶匙鹽放入, 靜待半小時, 讓他多餘的水份排出.

3. 沖洗後, 加2 茶匙糖放入, 待他們鹹味去之餘, 還可以再排多次水.






4. 在靜待的同時, 把醋跟糖一起放入煲中以中小火煮溶, 可加埋蒜,辣椒入去煮可更出味.

5. 待涼後, 可把醬油也放進去撈在一起.備用

 

6. 把蘿蔔放入已乾燥的樽時, 記住一定要先把蘿蔔沖乾淨, 再渣乾水.

  (有些blog中有提及, 可放陰涼處掠乾. 但我太懶了, 我只是把它放在篩中去一下水, 就算了.)

7. 最後加入醃料, 放在陰涼處2-3日, 就可以拿出來吃了.

韓式豆腐海鮮湯 (附食譜)

韓式豆腐海鮮湯 - 這一個食譜, 真的有點難找, 

所以為了找這如何煮, 今次我除了四出在網上, 書店找尋食譜外,
還要靠朋友仔"食"的記憶, 湊湊埋埋咁來去買食材煲這個湯的, 真的不易! 

好彩, 陳生飲完後, 話有成90%相似..真的有點安慰 !

好, 首先我要做的, 就是要找一個煲, 這是屋企最似樣的一個瓦煲了,

所以在別無選擇的情況下, 就選了這一個.

材料:

湯底 :

沙白蜆            1斤   (因為唔想用清雞湯, 所以用了蜆來煲)

調味料: 

韓式辣醬        1-2湯匙

蒜蓉               1-2湯匙

洋蔥蓉            1/3個洋蔥

青蔥白            1湯匙

辣粉                隨個人喜好 (不喜歡辣, 可索性不加.)

(陳生經驗之說, 蒜頭是很重要的一樣材料, 因為韓國人的湯,
總是愛加入的. 不可不信呀, 他曾有一個韓國女朋友呢! :p)

湯料: 

蝦 , 魷魚         適量

豆腐                1枝  (我用了玉子豆腐, 因為滑D lor!)

蛋                    1隻

 

 步驟:

1. 先用清水把洗乾淨的蜆煲至全開口, 後把蜆殼拿掉

2. 逐放入調味料至煲滾後, 再加入海鮮煲至出味

3. 加入蛋

4. 最後, 放入豆腐攪至爛, 完成. 

5. 如果要靚d, 可再加蔥白花放上面......

呀! 唔記得講下佢個味道tim , 大家唔好叫得佢個樣好橙咁,
就以為佢就鬼辣喎, 查實只要唔落辣粉, 佢係只係得個樣和香味加咋,
放了海鮮落去, 其實已有鮮甜的味道, 加上辣椒醬的香味, 已很perfect的了! :)

係唔係真係超簡單!  鐘意飲這個湯的朋友, 真係要試煮一下.

菜譜參考: 某一台灣網誌, 因為真的忘了, 所以公開唔到;
但記得的是, 這個菜譜是blogger, 她一個韓國朋友向她提供的!

大盆菜

跟陳生屋企團年那一天,他不放假, 

當然我也沒能力為9大1小來煮一餐豐盛的團年飯啦,

所以...我們決定假手於人..買"外賣"回來交差.

為了配合新年, 又要有體面, 陳生選了點12人的大盤菜

餐廳個部長跟陳生老實地說, 那應不太夠吃的, 最後自已多準備2個小菜,

所以陳生不停吩咐我, 要買菜, 魚, 又要我準備這準備那.

但我全推, 因為我真係覺得9個大人, 還有當中6個是老人家的情況下,

又怎能消滅12人的大盤菜喎.....

當天陳生去到取貨時, 就知..真是很大, 很重.....

所以最後我們只是多準備了一條"魚"俾個仔食, (最後真的只有我個仔和我食..><)

還有的, 就是他爸媽各自煲的2大煲湯了..

但還是有剩..可能那就是中國人的年年有餘習慣吧!

咁大的盆菜, 真的唔知有沒有第二次再外賣的機會, 

所以點都要多影幾張相, 跟大家分享一下既.....

葡式燴海鮮飯

從一個澳門土生朋友拿了過海鮮燴飯的食譜後, 竟然放下放下咁就過了差大半年了,
我終於的起心肝去買意大利米, 再加上無人約, 而且又可以得閒去買海鮮的情況下,
我終於可以可試整這一個飯了, YEAH! :)

朋友仔話料都買左成150元架, 因為隻蟹都要成8x元, 真係貴!!
但為了咪都試下整...所以無法啦! 出街食都唔至啦. 哈哈哈:p

今次第一次煮意大利米, 所以有點over cook, (自己找借口為自己開脫)
"淋"了一點, 所以不夠咬口, 而且可能D番茄又不太酸, 我又加了糖的關係,
所以靠底的甜了點, 亦即感覺"漏"了, Oooooooo.....>_<

材料:

( 4-5人份量)
蕃茄 x 4 個, 洋蔥 x 1.5 個, 意大利米 x 2.5杯
海鮮隨意, 我今次就選了: 扇貝, 花蟹, 蜆, 蝦, 魷魚
調味料: 糖, 茄膏, 雞湯一罐

步驟:

飯的"湯底"

(1) 先把蕃茄, 和洋蔥切丁, 備用.

(2) 用清水把蜆煮熟, 蜆湯備用, 保留部份連殼的蜆

(3) 先用橄欖油起鍋,  把蕃茄丁和洋蔥丁炒至出水, 再加入少許糖調味後;
     加入部份雞湯煮開, 和加入茄膏調色

(4) 當洋蔥也煮至"淋"後, 可先把較難熟的蟹先放進去煮, 約莫當蟹已一半熟後,
      就加入其他海鮮一起煮 (除蜆).

     (要一路煮一路看, 視乎情況補充雞湯/水/蜆湯)

煮飯過程

(5) 蟹和扇貝也熟後, 可就將之拿出, 再把那預先準備好的意大利米倒進去

(6) 飯煮途中也要注意, 在需要時加入雞湯/水/蜆湯來平衝一下; 不要使之乾水;
      約15-20分鐘飯熟後, 就可以把海鮮放回.

(7) 最後把切碎好的芫茜放上面, 蓋上煲蓋焗一會,待香味出來. 就可上枱了! :)

牛肉椰菜卷

 
這個菜的食譜是跟一本雜誌改良的,
其實都唔好話係改良, 只是因為我剛巧沒有豬肉,
只有牛肉的關係, 所以我就把它要的材料改左小小啫.

做法和金菇牛肉卷差不多,
但我就覺得佢口感和味道方面都較前著好lar, 可能係 "fresh" D 掛! :)

材料: 

牛肉片      1份
椰菜         半個

調味料: 

醬油         2湯匙
清酒         2湯匙
果醬         1湯匙  (隨意, 剛好雪櫃有什麼我就用什麼, hahahaha)

步驟:

1.把洗淨的椰菜用切開2份, 放至滾水中焯熟,
   再用廚房紙沫乾, 切成大小適宜的長條形, 備用

2.用牛肉片把椰菜條包好

3.把牛肉條放到鑊中煎香, 當差不多時,加入調味料,
   但記住要小火, 因為很容易燶

4.待牛肉條吸收了一半的醬汁後, 就可熄火, 把牛肉條拿出切件, 放上碟.

5.最後, 只要把餘下的醬汁淋上, 就可.

團年飯第一擊

自從唔知幾時開始,我屋企就開始煮係團年飯起來,

今年當然也不會例外啦, 而且為了新賣來的小"全盒",

我就跟妹妹分工地炮製起5小碟來. 

及又為了可突破自己的亂咁煮, 我們也開始學起煮傳統菜起來, 

當然, 也不可以話說煮就煮lar, 所以我今年只是選了一兩道應節菜...

我想家人一定會體諒的. 

話說那天原本應一早由下午4點多開始準備的, 

但奈何當天早上因停車場"滿"的關係, 下午由因為跟小朋友玩的關係,

4:30才可以出發到街市買第二輪的菜, 轉頭回到家時已是6:00了,

老公也回來了. 當然也免不了聽了小小的微言.

但做老婆的我, 當然也是充耳不聞, 當聽不到啦..wakakkakakaaa..

以下就是我和妹妹, 跟老公配合下所準備的年夜飯. 

前菜: 醬蘿蔔 . 涼拌大豆芽, 涼拌茄子 ,  拍青瓜, 和沙薑雞腳

湯:白菜雞湯

主菜: 冬菇炆花膠

西蘭花炒象拔蚌仔

蝦膠鑲豆腐

白灼大海蝦

清蒸海立

咕嚕肉

金菇牛肉卷

8人分量來說, 是否多了一點呢? 

所以最後我們連照顧希希的工人EE也邀請一齊來團年團年一下. 才勉強地可以掃清! ><

醃漬茄子

茄子的顏色雖然靚, 但我由細到大都唔食gar,

因為覺得佢煮左後, 變成一pat一pa的口感唔接受,
但它生時, 我又會嫌她有澀澀的味道,
直至, 我在BBQ時, 叫到人會用牛油+蒜泥燒佢, 才開始, 對"茄子"感興趣起來! :)

最近, 在網上周圍逛時, 見Clara Blog中教怎樣整涼伴茄子,
所以, 今晚就去買左個"茄子"來整下.

材料:  

茄子      1條

醃料汁: 

魚露      2 湯匙; 

蒜蓉      2 湯匙

水         100ml;  

醬油      1/2湯匙

醣         1.5湯匙

麻油      小小

步驟:

1. 把茄子洗淨後, 切件備用;
2. 熱鍋下油, 炒香部份蒜蓉, 再加入茄子炒至軟身;

3. 把炒至軟身的茄子+醃料汁撈在一起;
4. 浸1小時後, 就可以上枱食架喇! :)

菜譜參考: Yahoo 的 Clara Blog 的涼伴茄子